Сэтинньи 1 күнүгэр Мииринэй тыйаатырын айар бөлөҕө анал байыаннай дьайыы ыытыллар сиригэр айаннаата. СВО кыттыылаахтарыгар Николай Мельников «Русский крест» ипсэктээгин көрдөрүөхтэрэ. Туруорааччы-режиссер – СӨ үтүөлээх артыыһа Владимир Заманков. Туруорууну Саха сирин уонна Ленскэй архиепискоба Роман былаҕастабыы гынна.
Байыаннай сулууспалаахтарга испэктээги көрдөрүүнү алтынньы 1 – 14 күннэригэр Ростов-на-Дону, Луганскай, Донецкай, Мариуполь, Симферополь, Москуба куораттарга тэрийиэхтэрэ.
Мииринэй куорат «Народный актив» уопсастыбаннай хамсааһын байыастарга гуманитарнай көмө хомуйан ыытта. Мииринэй к. уһуйааннарын иитиллээччилэрэ уонна оскуолаларын үөрэнээччилэрэ, Чернышевскай бөһ. Кадеттар интэринээт-оскуолаларын үөрэнээччилэрэ саллааттарга сурук суруйан ыыттылар.
Испэктээги АБДь зонатыгар көрдөрүүнү тэрийиигэ СӨ Култуура уонна духуобунай сайдыы министиэристибэтэ, «Мииринэй оройуона» МТ дьаһалтата, «Мииринэй куорат» МТ дьаһалтата уонна Мииринэй к. Свято-Троицкай приходун протоиерей Владимир Севрюков көмөлөстүлэр.
«Русский крест» испэктээк биир киһи дьылҕатын нөҥүө итэҕэлэ суох нуучча дэриэбинэтин сатарыйыытын, онтон тулуур уонна малыыппа көмөтүнэн сөргүйүүтүн кэпсиир. Ипсэктээк сүрүн толкуйунан норуот сомоҕолоһуута буолар.
Сонун төрдө: СӨ Бырабыыталыстыбатын уонна Ил Дарханын пресс-сулууспата
