Бу күннэргэ орто уонна үрдүк үөрэх кыһаларыгар устудьуоннары ылар хампаанньа түмүктэннэ. Балаҕан ыйын 11 күнүгэр СӨ Бырабыыталыстыба бэрэссэдээтэлин солбуйааччыта Георгий Степанов анал байыаннай дьайыы 162 кыттыылааҕын оҕотун быһа ыллыбыт диэн иһитиннэрдэ.
Ол курдук, 89 оҕо орто анал, оттон 73 оҕо үрдүк үөрэх кыһаларыгар киирбиттэр. СВО кыттыылаахтарыттан 12 киһи устудьуон буолбут. Олортон үһэ – орто анал үөрэххэ, тоҕуһа – үрдүк үөрэххэ киирбиттэр. СВО кыттыылаахтарын уонна оҕолорун тус сыаллаах үөрэххэ көһөрүөхтэрин уонна үрдүк истипиэндьийэ аныахтарын сөп.
Уопсайынан, бу хайысхаҕа чэпчэтии элбэх диэн вице-премьер бэлиэтиир. Оҕо уһуйааҥҥа сылдьарын иһин төлөбүртэн босхолонууну 1415 төрөппүт туһанар. Маны таһынан, лааҕырга босхо путевканан 1823 оҕо хааччыллыбыт. Оскуолаҕа босхо итии аһылыгынан 1240 оҕону хаптылар. Онон, СВО кыттыылаахтарыгар көмө салҕанар.
Сонун төрдө: СӨ Бырабыыталыстыбатын уонна Ил Дарханын пресс-сулууспата
