Финляндияҕа көтүөхтээх пассажиры ДьУоХХ өҥөтүгэр иэһин иһин көтүппэтилэр. 51 саастаах Аллараа Халыма олохтооҕо 242 тыһыынча солкуобай сууммаҕа иэһин төлөөн баран биирдэ көттө.
Эр киһи хомуунаалынай өҥөтүн өр кэм устата төлөөбөккө, 242 тыһыынча солкуобайга иэскэ киирбит. Сокуон этэринэн, өскөтүн иэстээх-күүстээх буоллаххына, Арассыыйа таһыгар көтөрүн олоччу көҥүллэммэт.
«Маннык түгэн тахсыбатын туһугар хомунаалынай өҥөнү кэмигэр төлөөҥ», - диэн Суут бириистэптэрин Федеральнай сулууспатын Саха сиринээҕи салаата биллэрэр. Төһө иэстээххин эбэтэр билэр киһиҥ иэһин «Банк данных исполнительных производств» электроннай сервискэ киирэн көрүөххүн сөп.
Төлөбүрү уонна мунньуллубут иэһи «Банк данных исполнительных производств» сервискэ эбэтэр суотабай «ФССП» сыһыарыыларын (Google Play, AppStore, Windows Phone) нөҥүө төлүөххүн сөп диэн, Суут бириистэптэрин Федеральнай сулууспата биллэрэр.
