Киирии

Киирии

Мииринэй куорат  соҕуруу өттүгэр  элбэх кыбартыыралаах олорор дьиэ тиһигин туппуттара быданнаата. Бу дьиэ иккис уочаратын уон икки этээстээх гыммыттар. Санатан эттэххэ, урут Мииринэйгэ уон икки этээстээх дьиэ суоҕа.  

Мииринэйгэ саамай улахан тутуллар дьиэ

Мииринэйгэ саамай улахан тутуллар дьиэ

 

Тутуу бастакы сылларыгар

Тутуу бастакы сылларыгар

2016 сыл Күһүн

2016 сыл, күһүн

Бастакы уочарата  - 197 кыбартыыралаах, монолит-каркаас тутуулаах тоҕус этээстээх дьиэ.  2015 сыл үһүс кыбаарталыттан саҕалаан, өр кэм устата тохтуу-тохтуу олус бытааннык тутуллар.  Онон 2016 сыл төрдүс кыбаарталыгар киллэрэр былааннара тохтообута.  2017 сылга дьиэ эмиэ киирбэтэҕэ. 2018 сыл тоҕус ыйын тухары эмиэ уу-чуумпу.

2018 сыл Олунньу ый

2018 сыл, олунньу ый

Тутуу 2018 сыл Саас

Тутуу 2018, саас

Бу дьиэ тутуутугар кыттыгас, кыбартыыра ылаары  үп-харчы уурбут дьон  төһөлөөх күүтэн эрэйдэммиттэрин, долгуйбуттарын  киһи этэ да барбат.  

 “Мииринэй куорат” муниципальнай тэриллии кыбартыыра ылыытыгар үп-харчы эмиэ  уган турар. Онон  мээрийэ долгуйара оруннаах. Бытаарбыт тутуу хаамыытын  атырдьах ыйын саҥатыгар  куорат баһылыга Клим Антонов салайааччылаах,  м.с. Сергей Медведь солбуйааччылаах хамыыһыйа тургутан баран, бэдэрэччиги кытаанах сэмэҕэ тардан турар.

Бу тутууну хонтуруоллуурга уопсастыбаннай Сүбэ тэриллибитэ.  Сүбэ иһигэр бу дьиэҕэ кыбартыыра ыларга үп-харчы уурбут дьон (дольщики) кытары бааллар.

Тутааччылар балаҕан ыйыгар  икки подъеһы үлэҕэ киллэрэбит диэн эрэннэрбиттэрэ баара.  Ханна баарый? Балаҕан ыйа бүттэ. Алтынньы ый ааннаан кэллэ. Бу күһүн дьиэ бэлэм буолбата. Ааспыт сыл бүтэһигэр Мииринэй куорат баhылыга Клим Антонов тутааччылары эмиэ кытаанахтык сэмэлээн турар.

Тутуу олбуор диэки өттө

Тутуу куорат арҕаа өттүттэн көстүүтэ,сайын 2018 сыл

 

Тутуу олбуор диэки өттө

Тутуу олбуор диэки өттө

Дьиэ 2018 сыл алтынньытын саҥатыгар

Дьиэ 2018 сыл алтынньытын саҥатыгар

Билигин  бу тутуу хаамыытын  Мииринэй куорат борокуратуурата, СӨ Бырабыыталыстыбата, Архитектура уонна тутуу комплексын министиэристибэтэ хонтуруоллууллар.

Ити курдук, кэнники уларытыллыбыт былаан иитинэн, олорор дьиэ тиһигин бастакы уочарата - 197 кыбартыыралаах дьиэ, ахсынньыга тутуллан бyтэрэ кyyтyллэр.

Дьон бу тутуу түмүктэнэрин өр да күүтээхтээн биэрээхтээтэ.   

Станислав Алексеев, Мииринэй  

 

Ааптар хаартыскаҕа түһэриилэрэ           

Тарҕат:

Ырытыыгын суруй

Защитный код
Обновить

Бүтэһик сонуннар