Войти

Войти

Бу күннэргэ социальнай ситимҥэ “МВД 887” диэн куоттаах кыраныысса таһыгар тахсар пааспар дьиҥэ суох, дьон кыраныыссаны кыайан туораабакка хаайтарбыттар” диэн сурах тарҕанна.

Ол туһунан СӨ ИДьМ Миграция боппуруоһугар управлениетын начаалынньыгын солбуйааччы Сергей Букин СИАҕа маннык кэпсээбит:

-- Итинник кыһалҕа Уссурийскай куоракка кыраныыссаны туоруур биир эрэ пууҥҥа үөскүү сырытта. Саха сириттэн сылдьар үс киһи пааспарын “дьиҥэ суох кодтаах” диэн матыыптан былдьаатылар. Атын сиргэ итинник түбэлтэ тахсыбата.

Биһиги кыраныысса сулууспаларын кытта билсэ сырыттыбыт эрээри, кинилэр кыайан чопчу хоруйдаабатылар. Былдьаммыт пааспардар билиҥҥитэ биһиэхэ суохтар. Онон пааспардар кэллэхтэринэ, сиһилии хоруйдуохпут.

“МВД 887” диэн бэчээттээх бары пааспар, ол иһигэр 5 сыл болдьохтоох эргэ көрүҥ, кырдьыктааҕынан, дьиҥнээҕинэн ааҕыллар, уларытыллыбат.

Ким эмэ тугу эмэ чопчулаан ыйытыан баҕарар буоллаҕына, маннык аадырыска билсиэххитин сөп: Дьокуускай к., Федор Попов аат. уул. 8 №-дээх дь., 10 хос.

Тарҕат:

Добавить комментарий