Киирии

Киирии

Аан дойдуга биллэр миллиардер Илон Маск SpaceX диэн бырайыак олохтоон үлэлэтэ сылдьар. Ол сатаннаҕына, 2023 сылга Ыйга көтүөхтээх. Бырайыагын чэрчитинэн BFR (Big Falcon Rocket, туруору тылбааһа – “Улахан Мохсоҕон Ракета”) диэн модун күүстээх, саҥалыы оҥоруулаах тырааныспар тутулла-оҥоһулла сылдьар. Бу тэрили оҥоруу – 5 миллиард дуоллар үбү эрэйэр диэн ааҕан таһаарбыттар.

 

Ыйга кетуехтэрэ

Япония биллэр миллиардера Юсаку Маэдзава Илон Маск бырайыагар кыттыһарга көҥүл ылбыта уонна элбэх үбү-харчыны бараабыта, идиэйэ олоххо киирдэҕинэ, Ыйга тэҥҥэ көтүөхтээх.

Соторутааҕыта Маэдзава суруналыыстары кытары көрсүһүүтүгэр, Ыйга көтөр түгэнигэр бэйэтин кытары Сир саарын тупсарар сырдык санаалаах, айар эйгэҕэ үлэлиир, ускуустубаҕа сыһыаннаах эрэ дьону илдьэ барыахтаах. Тоҕо оннук дьону эрэ ыларын туһунан ыйыппыттарыгар: “Ускуустубаҕа тыл диэн суох. Ускуустуба аан дойду дьонун туох да тыла-өһө суох холбуур, сомоҕолуур. Онон бу бырайыакка кыттыгастаах буоларым быһыытынан, айаҥҥа турунар дьон туох да этиһиитэ, айдаана суох, биир сырдык ыралаах сылдьыахтарын баҕарабын”, -- диир.

Сырдаттахха, Маэдзава 3 мөл. дуоллар дохуоттаах таҥас-сап атыылыыр эйгэҕэ урбаанньыт, ону таһынан кэллиэксийэнэн дьарыктанар. Оттон ускуустубаҕа сыһыаннаах дьону хомуйар түгэнигэр Эмиэрикэ эбэтэр Япония эрэ дьонун буолбакка, аан дойду араас муннугуттан хомуйуохтаах. Онон “дьоллоох билиэти” ыларга бары тэҥ бырааптааххыт.

Тарҕат:

Ырытыыгын суруй

Защитный код
Обновить