Киирии

Киирии

Ахсынньы 24 күнүгэр Томмот – Аллараа Бэстээх учаастагар бастайааннай сырыыны саҕалыырга, тимир суол тэхэньиичэскэй бэлэмин быһаарар аактаҕа илии баттанна. Кэлэр сыл бастакы кыбаарталыгар АТС (РЖД) тарыыбынан бүтэһик ыстаансыйаҕа диэри таһаҕастаах богуоннар сылдьыахтара. 2019 сыл атырдьах ыйыттан “Саха сирин тимир суола” хампаанньа дьону таһыыны былаанныыр.

Беркакит – Томмот — Дьокуускай хайысханан тимир суолу тутуу 33 сыл аннараа өттүгэр саҕаламмыт. Онон бу күнү өрөспүүбүлүкэ олохтоохторо күүппүт буолуохтаахтар.

““Саха сирин тимир суола” хампаанньа АТС (РЖД) уонна СӨ өйөбүллэринэн, тимир суол тыраанспарын Федеральнай агентствотын уонна Федеральнай антимонопольнай сулууспаны кытта улахан үлэни ыытар. Кэлэр сыл бастакы кыбаарталыгар таһаҕас богуоннара АТС (РЖД) тарыыбынан Аллараа Бэстээххэ диэри сылдьар буолуохтара диэн эрэнэбин. Саха сирин олохтоохторугар ордук күүтүүлээх Ааллараа Бэстээххэ диэри дьону таһыы буолуохтаах. Бу соругу ситиһэн,  2019 сыл атырдьах ыйын бастакы өрөбүлүгэр, тимир суол үлэһиттэрин күнүгэр олоххо киллэрэр былааннаахпыт”, — диэн ““Саха сирин тимир суола” хампаанньа генеральнай дириэктэрэ  Василий Шимохин кэпсиир.

Санатабыт, Беркакит – Томмот — Дьокуускай хайысханан тимир суолу тутуу 1985 сыллаахха кулун тутар ыйтан саҕаламмыта. 2004 сыллаахха атырдьах ыйыгар Нерюнгри – Томмот учаастага арыллыбыта. 2005 сылтан Беркакит – Томмот — Дьокуускай тимир суол Томмот – Дьокуускай (Аллараа Бэстээх) пусковой комплексын тутуу үлэтэ ыытыллар. 2014 сыллаахха Томмот – Аллараа Бэстээх учаастага быстах кэмҥэ үлэҕэ киирбитэ. 2015 сыллаахха тутуу үлэтэ тохтуу сылдьыбыта.

Бу сыл муус устар ыйыгар “Саха сирин тимир суола” хампаанньа куонкурус түмүгүнэн генеральнай бэдэрээтчит буолбута. Муус устар 21 күнүгэр  Беркакит – Томмот — Дьокуускай тимир суол Томмот – Дьокуускай (Аллараа Бэстээх) пусковой комплексын тутуу судаарыстыбаннай хантараагын, тимир суол тыраанспарын Федеральнай агентствота уонна “Саха сирин тимир суола” хампаанньа баттаабыттара. Үлэ болдьоҕо ахсынньы 28 күнүгэр диэри быһаарыллыбата.

Тарҕат:

Комментарии

Защитный код Обновить