Киирии

Киирии

Ааспыт нэдиэлэҕэ Саха сириттэн Альбина Дегтярева, Лэгэнтэй, Айсен Аммосов, Клавдия, Герман Хатылаевтар Америка Нью Йорк куоратыгар ХНТ тэрээһинигэр кыттыыны ыллылар. Арассыыйа Америкаҕа посола Василий Небензи соторутааҕыта эрэ бу дуоһунаска ананан, бу маҥнайгы улахан тэрээһинэ буолла.

            Олунньу 22 күнүгэр ХНТ иһинэн баар Арассыыйа бастайааннай бэрэстэбиитэлистибэтигэр Саха сирин презентациялааһын буолан ааста. Манна ХНТ генеральнай сэкирэтээрэ Антонио Гутерреш бэйэтинэн күндү ыалдьыт буолла. Бу тэрээһиҥҥэ ыалдьыттар – ХНТ секретариатын, дипломатическай куорпус бэрэстэбиитэллэрэ, суруналыыстар – Саха норуотун култууратын, ырыатын-тойугун кытта билистилэр. Хотугу дойду куухунатын амсайдылар.

degnyareva3

degtyareva1

degtyareva2

Альбина Дегтярева: 

- Биһиги Саха сириттэн 5 буолан бара сырыттыбыт – Лэгэнтэй, Клавдия, Герман Хатылаевтар, Айсен Аммосов уонна мин буолан кытынныбыт.

Посол приема олус үчүгэйдик ааста. ХНТ генеральнай сэкирэтээрэ Антонио Гутерреш, маны тэҥэ ХНТ дойдуларыттан кэлбит 80-ча посоллар сырыттылар. Кэлбит ыалдьыттар бука бары көрсүһүү истиҥиттэн, “Муус Хайа” шеф повара астаабыт сахалыы аһыттан, артыыстар толорууларыттан олус астыннылар, сөхтүлэр-махтайдылар. Тэрээһин бүтүүтүгэр сахалыы оһуокайдаһан үөрдүлэр-көттүлэр.

 ХНТга Арассыыйа посола Василий Алексеевич Небензи тэрээһин саҕаланыытыгар олус истиҥник “Мин дойдум Арассыыйа олус элбэх бэйэ-бэйэлэригэр майгыннаспат араас омуктартан турар. Кини географията эмиэ олус киэҥ, айылҕата ураты” диэн саҕалаан туран Саха сирин туһунан олус элбэҕи кэпсээтэ.

Ыалдьыттар хас биирдии артыыс ырыатын-тойугун “хаһан да манныгы көрө илик этибит” диэн олус истиҥник, дохсун ытыс тыаһынан доҕуһуоллаан көрүстүлэр. Тэрээһин бүтүүтүгэр ыалдьыттар “наһаа да истиҥ көрсүһүү, ураты хаһан да, ханна да сылдьыбатах үчүгэй тэрээһиммит буолла” диэн санааларын этэн тарҕастылар.

Василий Небензи “Барыларын олус сөхтөрдүгүт. Олох космос куйаара, олох атын эйгэ, ураты айылҕа, үрдүк таһым! Дойду тас бэлиитикэтин оҥороругар, сыһыан олохтууругар бары бииргэ үлэлээтибит диэн сыаналаата.

Үгүс ыалдьыттар аны Саха сиригэр тиийэ сылдьыбыт киһи диэн баҕа санааларын эттилэр.

Тарҕат:

Ырытыыгын суруй

Защитный код
Обновить