Киирии

Киирии

Горнай улууһугар 2019 сыл “Оҕо саас сылынан” биллэриллибитэ. Кэнчээри ыччакка болҕомто ууруллан, бары нэһилиэктэргэ үгүс тэрээһин ыытыллар.

Горнай улууһун нэһилиэктэрин аҕалара бары биир сүбэнэн оҕолор сааскы сынньалаңнарын көхтөөхтүк атааралларыгар үлэлэһэллэр. Ол курдук, кулун тутар 13 күнүгэр Солоҕон нэһилиэгин аҕалара, эһэлэрэ оҕолорго анаан “Аркадий күөлүгэр” 60 м уһуннаах, 30 м туоралаах хотуогу, 15 м уһуннаах сыыры оҥордулар. Субуотунньукка 2 МТЗ тыраахтыр, 11 эр киһи көхтөөхтүк кытынна.

Тырахтарыыстар Павел Захаров, Вячеслав, Станислав Сидоровтар “Аркадий күөлүн” үллүктүү сытар хаарын анньан биэрэн, күрдьэхтээхтэргэ улахан көмө буолла. Субуотунньукка кыттыбыт бары эр дьоҥҥо төрөппүттэр истиң махталларын анаатылар. Солоҕон оҕолоругар улахан үөрүү буолла. Оҕолорбут истиң мичээрдэрэ, үөрбүт харахтара туохха да тэңнэспэт күндү.

 Анна Дормидонтова, ulusmedia

Тарҕат:

Комментарии

Защитный код Обновить