Өлөөн улууһугар 7 ыстаада төрүт салааны сайыннарар. Ыам ыйын 15 күнүнээҕи туругунан 2089 ийэ табаттан 667 тугут төрөөбүт, быйылгы көрдөрүү ааспыт сыллааҕар сүүсчэкэ төбөнөн элбэх.
“Өлөөн” муниципальнай таба иитэр хаһаайыстыбаҕа (дириэктэр Егоров А.П.) 1605 ийэ табаттан 477 тугут төрөөбүт.
Биирдиилээн таба иитэр биригээдэлэр көрдөрүүлэрэ: 1-кы №-дээх ыстаадаҕа (биригэдьиир Степанов Х.В.) 133 тугут, 2-с №-дээх ыстаадаҕа (биригэдьиир Семенов А.В.) 103 тугут, 3-с №-дээх ыстаадаҕа (биригэдьиир Иванов Е.Д.) 111 төбө тугут, 5-с №-дээх ыстаадаҕа (биригэдьиир Топоров В.С.) 130 тугут төрөөбүт.
“Дьэлиҥдэ” таба иитэр муниципальнай хаһаайыстыбаҕа (дириэктэр Иванова О.Л.) 484 ийэ табаттан билиҥҥи туругунан 190 тугуттаах, ааспыт 2018 сыл туһааннаах кэмигэр 65 тугуттаах эбит. Биирдиилээн таба иитэр биригээдэлэр көрдөрүүлэрэ: 1-кы нүөмэрдээх ыстаадаҕа (биригэдьиир Карпов Я.Н.) 31 тугуттаах, 4-с №-дээх ыстаадаҕа (биригэдьиир Павлов А.П.) 75 тугут төрөөбүт. 5-с №-дээх ыстаадаҕа (биригэдьиир Семенов Г.А.) 84 тугут эбиллибит.
Дьиэ табатын төрөтүү эппиэттээх хампаанньатын Өлөөн оройуонун таба иитэр хаһаайыстыбаларын үлэһиттэрэ ситиһиилээхтик тэрийэллэр .
Н.М.Стручков, ulus.media
