Киирии

Киирии

СӨ Нэһилиэнньэ дьарыктаах буолуутун судаарыстыбаннай кэмитиэтин пресс-сулууспата иһитиннэрэринэн, сайыҥҥы сынньалаҥ устата оскуола оҕолорун Саха сирин бөдөҥ тэрилтэлэрэ быстах үлэннэн хааччыйыахтара. Былырыын маннык үлэннэн 6 095 оҕо хааччыллыбыта.

Оттон быйыл 5 тыһ. кырата суох оҕону сайыҥҥы үлэннэн хааччыйар былааннаахтар. Ол инниттэн хас биирдии улууска үлэ дьаарбаҥкатын тэрийиэхтэрэ. Оттон Дьокуускай куоракка маннык дьаарбаҥка Оҕо Дыбарыаһыгар “Собери свое лето” диэн ааттаан ыам ыйын 30 күнүгэр буолуоҕа.

Дьарыктаах буолуу киинин кытары “АЛРОСА” АХ, “Якутуголь” ХК АУо, “Ростелеком” ПАУо, “Якутскэнерго” ПАУо, “Полюс-Алдан” АУо, “Водоканал” ААУо, “ЯТЭК” ААУо, “Сибоил” ААУо, “Дьокуускайдааҕы көтөр фабриката”, “Айгуль” ХЭУо, “Намкоммунтеплоэнерго” АУо уо.д.а. тэрилтэлэр бииргэ үлэлэһэллэр.

“Нэһилиэктэргэ олохтоох дьаһалта, ДьУоХХ тэрилтэлэрэ, оскуолалар, тыа хаһаайыстыбатын тэрилтэлэрэ, биирдиилээн урбаанньыттар үлэни биэрэргэ бэлэмнэр”, — диэн кэмитиэт пресс-сулууспата иһитиннэрэр.

Сокуоннай саастарын ситэ туола илик оҕолор саастарынан көрөн араас эрэсиимнээхтик үлэлииллэр: 14-16 саастаахтар – нэдиэлэҕэ 24 ч элбэҕэ суох, 16-18 саастаахтар – 35 ч.

“16 саастарыгар диэри саастаах оҕолор толору үлэлиир буоллахтарына, хамнастара 9 275 солк. итэҕэс буолуо суохтаах. Оттон 16-18 саастаах обургу оҕолорго толору хамнас – 13 818 солк. диэри. Бу хамнаска эбиитин дьарыктаах буолуу киин сулууспатыттан үлэлэбитин тухары эбии 4 368 солк. көрүллэр”, — диэн биэдэмэстибэҕэ иһитиннэрэрллэр.

Оҕолору сүрүннээн бөҕү-сыыһы хомуйууга, территориялары көҕөрдүүгэ, тупсарыыга, оҕуруот аһын үүннэриигэ, сибэкки олордуутугар, от үлэтигэр, таба ыстаадатыгар, курьер үлэтигэр, бэтэрээннэргэ социальнай көмөнү оҥорууга, култуурунай-маассабай тэрээһиннэргэ үлэлэтиэхтэрэ.

Тарҕат:

Комментарии

Защитный код Обновить

Болҕойуҥ ! Чэпчэтиилээх сурутуу саҕаланна!

kyym podpiska