От ыйын 5 күнүгэр Тында куоракка Байкало-Амурскай магистраль (БАМ) тутуллубута 45 сылын бэлиэтии, “Якутский комсомолец” уонна “Юность Якутии” диэн сахалар этэрээттэрин бэтэрээн тутааччылара айаннаатылар. Манна үбүлүөйдээх тэрээһиннэр ыытыллыахтара.
Кинилэргэ айанныахтарын иннинэ СӨ тыраанспар уонна суол хаһаайыстыбатын миниистирин бастакы солбуйааччы Алексей Филиппов, өйдөбүнньүк үбүлүөйдээх мэтээллэри туттарда. Бэтэрээннэри “Железные дороги Якутии” акционернай хампаанньа Дьокуускайтан Аллараа Бэстээх ыстаансыйатыгар диэри оптуобуһунан онтон Нерюнгри куоракка диэри анал поеһынан илдьэн биэрдэ. Нерюнгрига ЖДЯ богуоннара РЖД бырааһынньыктааҕы эстафетнай поеһыгар холбонуохтара уонна Тындаҕа диэри айанныахтара.
От ыйын 6 күнүгэр поезд Алдаҥҥа тиийбитэ. Манна “Якутский комсомолец” уонна “Юность Якутии” этэрээттэр байыастарыгар “Железные дороги Якутии” акционернай хампаанньаттан БАМ, АЯМ уонна тыраанспар тутааччыларын түмсүүлэрин бэтэрээннэрэ кыттыһыахтара.
Поезд айанныан иннинэ үбүлүөйдээх тэрээһиҥҥэ анаммыт миитиҥ буолар диэн ЖДЯ пресс-сулууспата иһитиннэрэр.
