ЫБММ Саха сиринээҕи салаата 661 лааҕыры учуокка ылла. Бу туһунан биэдэмистибэ пресс-сулууспата иһитиннэрэр.
Олортон 40 куорат таһынааҕы, 52 үлэ уонна сынньалаҥ лааҕыра, 2 сонотуоруй, 67 балааккалаах лааҕыр уонна 500 оскуола иһинээҕи күнүскү лааҕырдар.
2019 сыл саҥата бу эбийиэктэргэ баһаарынайдар 325 бэрэбиэркэни ыыппыттар. Ол түмүгэр баһаартан сэрэхтээх буолууга 302 кэһии булуллубут. Олортон 236 туоратыллыбыта.
“Билигин Үөһээ Бүлүүгэ уонна Томпоҕо оҕо сайыҥҥы сынньалаҥын 10 эбийиэгэр баһаартан сэрэхтээх буолууга кэһиилэр бааллар”, – диэн иһитиннэриигэ суруллар.
Баһаартан сэрэхтээх буолуу ирдэбиллэрин кэһиигэ ордук баһаары тохтотор систиэмэ алдьаныыта, эвакуациялыыр суол мөлтөҕө, уоту умуорар тэрил тиийбэтэ уонна тэрилтэ үлэһиттэригэр баһаартан сэрэхтээх буолууга үөрэх ыытыллыбата буолар.
Административнай эппиэтинэскэ 77 киһи тардылынна уонна 2 дьыала суукка барда.
Дьокуускайга уонна 12 оройуоҥҥа баар ойууртан чугас турар 18 эбийиэк туспа хонтуруолга ылылынна.
Сэҥээриилэр
I'm absolutely enjoying your blog and look forward to
new posts.
Feel free to visit my webpage overcoming social anxiety:
step by step: https://za.amicidellestelle.it/2b9e78ab68