Киирии

Киирии

Сэтинньи 27 күнүгэр Кэбээйи улууһун Тыайа нэһилиэгэр саҥа биэлсэр-акушер пууна (ФАП) арылынна.

Тыайа нэһилиэгэр 400 тахса киһи олорор. Олортон 135 – оҕолор. Олохтоохтор саҥа пууҥҥа кэккэ анаалыстары туттарар, ЭКГ оҥотторор, диспансеризация барар, быһыы ылар уо.д.а. кыахтаннылар.

Саҥа пуун үөрүүлээх арыллыытыгар Кэбээйи улууһун баһылыга Иван Левин, Тыайа нэһилиэгин баһылыга Петр Попов, Дьокуускайдааҕы доруобуйа харыстабылын салаатын начаалынньыга Леонид Апросимов, Кэбээйитээҕи киин балыыһа сүрүннүүр бырааһа Иван Оконешников уо.д.а. кыттыыны ыллылар.

Маннык пуун Бүлүү улууһун Сосновка, Алдан оройуонун Якокит нэһилиэктэригэр уонна Ленскэй, Уус Алдан улуустарыгар үлэҕэ киириэхтээхтэр.

Санатар буоллахха, бу сылга түөрт пууну тутууга “Доруобуйа харыстабыла” национальнай бырайыак чэрчитинэн федеральнай бүддьүөттэн 22 мөл солк үп көрүллүбүт. 2020 сылга өссө 11 эбийиэк олоххо киирэрэ былааннанар. Олортон тоҕуһа биэлсэр-акушер пууннара уонна икки амбулатория буолар. Манна федеральнай бүддьүөттэн 98 мөл солк үп көрүллүөҕэ.

 

Тарҕат:

Комментарии

You have no rights to post comments

Бүтэһик сонуннар