Войти

Войти

Бүгүн, олунньу 12 күнүгэр, Ил Дархан Айсен Николаев Уус Майда бөһүөлэгэр оптоволокно интэриниэт сибээһин уонна түргэн күүрүүлээх мобильнай төлөппүөн интэриниэтин ыытыы үөрүүлээх тэрээһинигэр кытынна. Бу туһунан инновация министиэристибэтэ иһитиннэрэр.

Амма-Уус Майда хайысханан оптоволокно лииньийэтин тутуу былырыын от ыйыгар саҕаламмыта уонна ахсынньыга түмүктэммитэ. ВОЛС уопсай уһуна 180 км. “Ростелеком” хампаанньа өрөспүүбүлүкэ салалтатын кытары оптоволокно сибээһин “Сыыппара эйгэтэ” бырайыак иитинэн тардыбыта. Онон Уус Майда бөһүөлэгин олохтоохторо түргэн күүрүүлээх, муҥура суох интэриниэтинэн, “Интерактивнай тэлэбиидэньийэннэн” уонна да атын хампаанньа сыыппара сервистэринэн толору туһанар кыахтаннылар.

Тарҕат:

Добавить комментарий