Войти

Войти

2005 сылтан Мииринэйтэн Хабаровскай куоракка көтүү түөрт төгүл тохтотулла сылдьыбыта. 2015 сыллаахха “Якутия” авиа-хампаанньа “Мииринэй-Хабаровскай” федеральнай субсидиялаах эриэйсэни аһан, үөрүүбүт үлүскэн этэ.

Ол курдук 5 000 солк көтөр буоламмыт, сүрдээх чэпчэки, абыраллаах этэ. “Суперджет” сөмөлүөт баара-суоҕа үс чаас иһигэр, Амур кытылыгар тиэрдэрэ. Нэдиэлэҕэ иккитэ көтөр эриэйсэ баара. Ону дьон сырыыта олус аҕыйах диэн, биир оҥорбуттара.

2019 сыл от ыйыттан бу сыл тохсунньутугар диэри Хабаровскайга көтөр 452-с эриэйсэ көппөтөҕө. Ону, дьэ, сөргүтэннэр, тохсунньу 8 күнүттэн бүгүҥҥү күҥҥэ диэри субсидиялаах эриэйсэ нэдиэлэҕэ биирдэ көтөн кэллэ. Бүгүн, кулун тутар 25 күнүгэр, “Мииринэй-Хабаровскай” эриэйсэ бүтэһик сырыытын оҥорор. Онон бүтэр.

 Станислав Алексеев, Мииринэй куората.

Слава “Гелио Степанов хаартыската.

 

Тарҕат:

Добавить комментарий