Войти

Войти

Дойду үөрэҕин министиэристибэтэ эрэгийиэннэргэ 1-8 кылаас үөрэнээччилэригэр наада буоллаҕына үөрэх дьылын болдьоҕун иннинэ түмүктүүргэ сүбэлээтэ. Ситэ баһыламматах үөрэх бырагырааматын эһиилги үөрэх дьылыгар көһөрөн биэриэхтэрэ.

Маныаха министиэристибэ эрэгийиэннэргэ 9-с кылааһы бүтэрээччилэр туттарар икки булгуччулаах эксээмэннэрин (ОГЭ) хайаан да миэстэтигэр кэлэн туттаралларын хааччыйыҥ диэн сорудахтаабыт. Маны сэргэ, дистанционнай ньымалары туһанан үөрэх бырагырааматын толору хааччыйыҥ диэн этиллибит. “Үрдүкү кылаас үөрэнээччилэрэ СКЭни туттаралларыгар үчүгэй бэлэмнээх буолуохтаахтар, бырагырааманы толору баһылыахтаахтар”, - диэн суруллар.

Маны таһынан, ыарыы улаханнык тарҕамматах эрэгийиэннэригэр оскуолаҕа үөрэтиини көҥүллүүллэр. Маныаха хайаан даҕаны баар санитарнай-эпидемиологическэй ирдэбиллэри, ыйыылары тутуһуохтаахтар.

Чопчу ханнык миэрэни ылыналларын эрэгийиэннэр бэйэлэрэ көрөн быһаарыахтара. Ону дойду бырабыыталыстыбатын кытары сөбүлэһиннэриэх тустаахтар.

Тарҕат:

Добавить комментарий