Войти

Войти

Бассаапка  дистанционнай үөрэх “нюанстарын” туһунан үгүстүк дьүүллэһэллэр.  Ол курдук Орто Халыма улууһун олохтооҕо, учууталлар Интэриниэтинэн уонна мобильнай сибээһинэн туттар ороскуоттарын туһунан  боппуруоһу көтөхпүт.

“Биһиги Орто Халыма улууһуттан сылдьабыт. Кэргэним – учуутал. Сарсыардаттан киэһэ хойукка диэри дьиэтиттэн оҕолору, төрөппүтэри үөрэтэр. Инньэ гынан, төлөпүөммүт “балаансата” иккис күнүн бүттэ. Ону быһаарыахха сөп. Бары атын-атын  абоненнаах буоллахтара дии. Холобур, ким эрэ МТС, ким эрэ Билайн эбэтэр Мегафон. Ол курдук биһиги дьиэ кэргэн бүддьүөппүтүттэн икки күн иһигэр, дьиэттэн тахсыбакка эрэ 1000 солк тутуннубут. Маннык буоллаҕына, харантыын бүтүөр диэри кэргэним ыла да илик хамнаһа барыта онно барыыһы дии. Ол иһин учууталлар Интэриниэтинэн, мобильнай сибээһинэн туттар ороскуоттарын төлүүллэрэ буоллар диэн баҕалаахпын. Учууталлар босхо үлэлиэхтээхтэр дуо? Тоҕо ким да саҥарбатый? Ама, учууталлары бу боппуруос долгуппат дуо?”, – диэн бассаап бөлөҕөр суруйбут.

Биһиги СӨ Инновация министиэристибэтиттэн  бу боппуруоска хоруй биэрэллэригэр көрдөстүбүт.

Бу тиэмэнэн  үөрэх уонна наука министиэристибэтин кытта үлэ ыытыллар”, – диэн биэдэмистибэҕэ иһитиннэрдилэр.

Бассаап бөлөҕөр үгүс төрөппүттэр суруйалларынан, оҕолорун “онлайн” уруоктарын саҥа көрбүттэр. “Уруок кэмигэр мэликтиир, учууталга мэһэйдиир оҕолор бааллар”, – диэн соһуйбут төрөппүттэр кытта бааллар.

Ити курдук, дистанционнай үөрэх үгүс дьону учууталлар чэпчэкитэ суох үлэлэрин сыаналыырга үөрэттэ диэххэ сөп.

Виктория СТАСЬ.

yakutia24.ru/

Тарҕат:

Добавить комментарий

Бүтэһик сонуннар