Киирии

Киирии

Кулун тутар 26 күнүгэр Ил Дархан Егор Борисов Чурапчыга киирбит Канализационнай-ыраастыыр тутуу пилотнай бырайыага Саха сирин атын сэлиэнньэлэригэр эмиэ тарҕаныа диэн биллэрдэ.

 

Ил Дархан бу бырайыак өрөспүүбүлүкэҕэ тыа сирин тупсарыыга ситиһиилээхтик салҕаныа диэтэ. Бу -- тыа сиригэр биологическай-ыраастыыр ыстаансыйа маҥнайгы холобура буолла.    

Маны таһынан, дэриэбинэҕэ маннык эбийиэктэри тутарга үп-харчы өттүнэн тоҕоостоох суол көһүннэ диэн Е.Борисов санаатын үллэһиннэ.

Санатар буоллахха, Чурапчыга канализационнай-ыраастыыр тутуу уопсай сыаната 69 мөл. солк. тэҥнэспит: 22 мөл.солк. ДьУоХХ үбүлээбит, 22 мөл. солк. -- өрөспүүбүлүкэ бүддьүөтүттэн, 11 мөл. солк. Чурапчы улууһун бүддьүөтүттэн уонна 13,8 мөл. солк. эрдэ сөбүлэҥ түһэрсибит концессионер-тэрилтэ үбүттэн.

СӨ ДьУоХХ уонна энергетика миниистирэ Данил Саввинов сотору кэминэн канализационнай-ыраастыыр тутуу Жатайга оҥоһуллуо диэн чопчулаата. Баатаҕай бөһүөлэгэр маннык тутуу бырайыага оҥоһулла сылдьар. Өрөспүүбүлүкэҕэ ыраастыыр тутуулар араастара эмиэ көрүллэллэр. “Саамай сүрүнэ – олохтоох дьаһалталар ыстаансыйа тутуутугар анал сирдэри уонна тутуунан дьарыктанар тэрилтэри булан биэрэллэрэ буоллар”, -- диэн санаалаах. 

Уһун болдьохтоох СӨ социальнай-экэнэмиичэскэй сайдыы былааныгар олоҕуран тыа сирин олоҕун-дьаһаҕын тупсарыыга өрөспүүбүлүкэ салгыы үлэлиир диэн Ил Дархан бэлиэтээтэ. Холобур, бүгүҥҥү күҥҥэ тыа сиригэр киин ититии ситимигэр 60 % дьиэ холбоммут.

Тарҕат:

Ырытыыгын суруй

Защитный код
Обновить