Войти

Войти

Саха сиригэр суукка устата хоруона вируһунан 43 киһи ыалдьыбыт, 34 киһи үтүөрбүт, 1 киһи өлбүт.

Үөһээ Бүлүү улууһугар хоруона вируһа аан бастакытын бэлиэтэннэ. Дьокуускайга 40 киһи ыарыйда, Нам уонна Сунтаар улуустарыгар биирдии ыарыһах бигэргэннэ. Кинилэр эмтэнэллэр, алтыспыт дьонун булан бэрэбиэркэлииллэр. 34 ыарыһах эмтэнии кэннэ толору үтүөрэн таҕыстылар. Дьокуускайга – 16, Сунтаарга – 9, Нерюнгрига – 3, Алдаҥҥа – 2, Мэҥэ Хаҥаласка – 1,Бүлүүгэ – 1, Ленскэйгэ – 1 ыарыһах үтүөрдэ. Уопсайа 265 киһи үтүөрдэ.

Бэҕэһээ “Covid-19” диагнозтаах, 67 саастаах дьахтар куорат балыыһатыгар суорума суолланна. Кини инсульт кэннэ ыалдьыбыт, эбиитин саахар диабеттаах эбит. Уопсайа бу кэмҥэ өрөспүүбүлүкэҕэ 828 киһи ыалдьыбыт, 265 киһи үтүөрбүт, 5 киһи өлбүт. Билигин Дьокуускайга 8 киһи ыарахан туруктаах сытар, 1 киһи ИВЛ аппараатыгар холбоммут. 143 ыарыһах туох да биллэр симптома суох аһарынар, кинилэр таһыттан эмтэнэллэр. Суукка устата 1509 тест оҥоһуллубут, обсерватордарга 539 киһи сытар.

Тарҕат:

Добавить комментарий

Бүтэһик сонуннар