Войти

Войти

Билигин тас дойду кыраныыссалара хамсыгынан сибээстээн сабыылаах турар буолан, киин куораттарга көтөр күчүмэҕэйдэммитинэн, сайыҥҥы сынньалаҥҥа дьон-сэргэ бетонунан бүрүммүт куораттан көй салгыннаах тыа сиригэр талаһар буолла.

Ордук төрөппүттэр оҕолорун эбэлэригэр-эһэлэригэр, аймахтарыгар ыытарга дьулуһаллар. Хас биирдии киһи балаһыанньатыгар киирэн көрдөххө, кинилэри эмиэ да өйдүөххэ сөп. Сибиэһэй салгын, тахсааты кытары - тэлгэһэ,иҥэмтэлээх ас... бу оҕоҕо эрэ буолбакка, хас биирдии киһиэхэ наада курдук.

Билиҥҥи туругунан, Ньурба улууһугар балаһыанньа таҥара көмөтүнэн, этэҥҥэ. Ол эрэн улаханнык саҥарар сатаммат, паромнар сырыылара саҕаланан, массыына сырыыта биллэ элбээтэ. Ил Дархан Айсен Николаев дьаһалынан, бу ый 14 күнүгэр диэри дьону таһар такси сырыыта кытаанахтык бобуллан турар.

Ньурба улууһун баһылыга Алексей Иннокентьев дьаһалынан, улууска хас биирдии кэлии-барыы барыта улуустааҕы оперативнай штаб көҥүлүнэн эрэ биирдэ ыытыллар диэн буолла. Онкологиялаах, гемодиализнай ыарыһахтар, таһаҕас тиэйэр массыыналар уонна өлбүттээхтэр эрэ анал көҥүлэ суох айанныыр бырааптаахтар.

c78935be d05e 413d 80dc 8b3d8b72e421

Оттон атын кыһалҕалаах дьон улуус дьаһалтатыгар кэлэн эбэтэр электроннай почтанан Этот адрес электронной почты защищён от спам-ботов. У вас должен быть включен JavaScript для просмотра. көҥүл биэрэллэригэр көрдөһүү сурук суруйар, маны анал хамыыһыйа 1-3 күн иһигэр көрөр уонна быһаарыытын тиэрдэр. Сайабылыанньа былааҥкатын бу сигэннэн хачайдааҥ https://mr-njurbinskij.sakha.gov.ru/files/front/download/id/2322104. Инньэ гынан, кэлии-барыы барыта учуоттанан иһэр, айанньыт кимнээҕи кытары алтыспыта, хаһан  кэлбитэ-барбыта барыта ырылхайдык көстө сылдьар.

Ньурба улууһун икки кыраныыссатыгар күнүстэри-түүннэри ППС, ГИБДД үлэһиттэрэ уонна волонтердар дьуһуурустубаҕа тураллар. Анал көҥүллээх эрэ дьону аһардаллар. Киирэр дьон булгуччу 14 күн “самоизоляцияҕа” баралларын ирдиир, ону дьиэлэригэр тиийэн бэрэбиэркэлииллэр. Онон, Ньурбаҕа айаннааччылар баар балаһыанньаны чугастык өйдөөн быһаарынаргытыгар ыҥыраллар.

Тарҕат:

Добавить комментарий