Войти

Войти

От ыйын ортотуттан Арассыыйа авиахампаанньалара тас дойдуларга көтүүлэрин сөргүтүөхтэрин сөп. Бу туһунан Интерфакс суруйар.

“Эпидемиологическэй туруктан көрөн, сөмөлүөккэ саньытаарынай быраабылалары күүскэ тутуһар усулуобуйалаах, дойду бөдөҥ авиахампаанньаларыгар тас дойдуга көтөллөрүн от ыйын 15 күнүттэн көҥүллүүр туһунан механизмнары үөрэтэллэр”, - диэн ааҕыныстыба суруйар.

Аан бастаан СНГ уонна ЕврАзЭС дойдуларыгар эриэйсэлэр сөргүтүллүөхтэрэ. Оттон кыраныысса аһыллан истэҕин ахсын, аа-дьуо сөмөлүөттэр атын дойдуларга көппүтүнэн барыахтара.

Санатар буоллахха, кулун тутарга пандемияттан сылтаан туох баар норуоттар икки ардыларынааҕы эрийэсэлэри боппуттара. Арай биһиги гражданнарбытын тас дойдуттан аҕалар анал чартернай эриэйсэлэр эрэ көтөллөр. Дойду көлөҕө министиэристибэтэ от ыйыттан тас дойдуларга көтөр эриэйсэлэри сөргүтэргэ эрэнэр. Маныаха Росавиация Роспотребнадзорга от ыйын 15 күнүттэн сорох эриэйсэлэргэ көҥүл биэрэллэригэр сурук ыыппыт.

Тарҕат:

Добавить комментарий