Войти

Войти

Саха сиригэр ааспыт суукка устатыгар 72 саҥа коронавирус ыарыытыгар сутуллубут киһини буллулар, 79 киһи үтүөрэн тахсыбыт. Бу туһунан хоруона хамсыгын бохсор өрөспүүбүлүкэтээҕи оперативнай штаб иһитиннэрэр.

Дьокуускайга 60 киһи ыалдьыбыт, Нерюнгри оройуонугар – 6, Мэҥэ Хаҥаласка – 3, Тааттаҕа – 2, Аммаҕа, Үөһээ Дьааҥыга, Ленскэйгэ биирдии ыарыһах бааллара бигэргэммит. Уопсайа хамсык кэмигэр Саха сиригэр 3963 киһи коронавирустаабыт, олортон аҥардас 3117 киһи – Дьокуускайга.

Бэҕэһээ 79 киһи толору үтүөрэн тахсыбыт: 66 ыарыһах – Дьокуускайга, 7 – Мэҥэ Хаҥаласка, 4 – Мииринэйгэ, биирдии ыарыһах Намҥа уонна Ньурбаҕа үтүөрбүттэр. Уопсаа бу кэм устата 2805 киһи үтүөрбүт.

Билигин 30 киһи ыархана туруктаах сытар. 12 киһи ИВЛ апараатыгар холбонон сытар. Хамсык кэмигэр 28 киһи өлбүт.

Суукка устатыгар өрөспүүбүлүкэ лабораториялара 3568 анаалыһы оҥордулар.

Тарҕат:

Добавить комментарий