Войти

Войти

Саха сирин балыыһалырыгар хамсыктан харыстанар эбии эпидемиологическэй миэрэлэри Роспотребнадзор ыйааҕынан киллэрдилэр. Бу туһунан Ил Дархан уонна бырабыыталыстыба дьаһалтатын пресс-сулууспата иһитиннэрэр.

“Саха сирин эмтиир тэрилтэлэригэр коронавирус тарҕамматын туһуттан бары миэрэлэр тутуһуллаллар. Исписэлиистэр анал харыстанар көстһһмнээх үлэлииллэр, эмтиир персонал хайаан да термометрияны ааһар. Ол да буоллар, өрөспүүбүлүкэҕэ уонна чуолаан киин куораппытыгар ыарыы улаата турарынан сылыктаатахха, инфекция балыыһаҕа тарҕаныыта син биир үрдүк. Инньэ гынан, кулун тутар 19 күнүттэн стационарга сытар ыарыһахтары көрсүү бобуллан турар. Кулун тутар 16 күнүттэн харантыын дьаһаллара киллэрилибиттэрэ: балыыһаларга уонна поликлиникаларга маассабай былааннаммыт мэдэссиинэ чинчийиилэрэ ыытыллыбаттар уонна нэһилиэнньэни балыыһаҕа угуу оҥоһуллубат. Арай ыарахан туруктаахтары уонна ордук наадыйааччыларга (холобур онкоыарыһахтар уонна гемодиализка сытааччылар) эрэ бу миэрэ тарҕаммат. Маны таһынан, профилактика аахсыйалара, доруобуйа оскуолалара, профилактическэй көрүүлэр уонна диспансеризация ыытыллыбат. Мэдэссиинэ тэрилтэлэрэ амбулаторнай, экстреннэй уонна суһал эрэсииминэн эрэ үлэлииллэр”, - диэн пресс-сулууспа суруйар.

Тарҕат:

Добавить комментарий