Войти

Войти

Дьиэ-уот хомунаалынай хаһаайыстыбатын уонна энергетика тэрилтэлэрэ график быһыытынан үлэлии олороллор. Хочуолунайдар аны күһүҥҥү үлэҕэ 50 бырыһыан номнуо бэлэмнэр. Бу туһунан өрөспүүбүлүкэ премьерэ Алексей Колодезников ититии сезонугар бэлэмнэниигэ сыһыаннаах мунньахха иһитиннэрдэ.

«Хочуолунайдарбыт аҥаардара номнуо бэлэмнэр: 1191 хочуолунай баарыттан 610-на бэлэм», — диир тойон Колодезников. Кыһын устата туох да саахала, тохтобула суох ититиини биэрэргэ билиҥҥиттэн номнуо бэрэбиэркэлиир үлэни ыыталлар. Үлэһиттэр хоруона хамыгын кэмигэр туох баар эпидемиологическэй быраабыланы тутуһан үлэлииллэр. Уу уонна ититиини биэрэр ситимнэри атырдьах ыйыгар сайҕаан бүтэриэхтэрэ, билиҥҥитэ ити үлэ 60% туолбут. Уопсайа 4 000 км ититэр ситим уонна 1 430 уу ситимэ сайҕаныаҕа. Алексей Колодезников муниципальнай тэриллии баһылыктарыгар уонна ресурсанан хааччыйар тэрилтэлэр салайааччыларыгар графиктан хаалбакка үлэлииллэригэр сорудахтаата. Итиэннэ аны күһүн ититиини кэмигэр, хаачыстыбалаахтык биэрэллэригэр мас-таас курдук кытаанахтык эттэ.

Тарҕат:

Добавить комментарий