Саха сиригэр эбии үөрэхтээһин кииннэрэ алтынньы 1 күнүттэн үлэлэрин сөргүтүөхтэрэ.
Ил Дархан Айсен Николаев үөрэх хаамыытын тэрийиигэ сыһыаннаах атырдьах ыйын 24 күнүнээҕи ыйааҕар “ эбии үөрэхтээһин бырагыраамалара уонна спортивнай дьарыктар алтынньы 1 күнүн инниттэн саҕаламматтар” диэн дьаһайбыта.
Маны таһынан туһааннаах ыйаахха төрөппүттэр үөрэх тэрилтэлэригэр сылдьыылара хааччахтанарын туһунан этиллэр. Балаҕан ыйын 1 күнүгэр Бастакы чуораан кэмигэр төрөппүттэр оҕолортон туспа сиргэ арахсан туруохтара. Атын кылаас үөрэнээччилэригэр үөрэх күнүн тэрээһиннэрэ дистанционно ыытыллыахтара.
