Өрөспүүбүлүкэ 68 күнүскү лааҕырдарыгар балтараа тыһыынча кэриҥэ оҕо сынньанна. Бу туһунан СӨ Доруобуйа харыстабылын министиэристибэтэ иһитиннэрэр.
«Сайын саҕаланыыта 15 улууска уопсайа 1639 оҕону хабар 71 лааҕыр үлэлиирэ көҥүллэммитэ. Мантан 210 оҕону хабыахтаах аҕыс лааҕыр уустук эпидемиологическай балаһыанньанан сибээстээн үлэлэрин тохтоппуттара. Кэлин 70 оҕону хабар үс лааҕыр атырдьах ыйын 5 күнүттэн үлэтин сөргүттэ», — диэн иһитиннэриигэ этиллэр.
Бастакы симиэнэҕэ алта лааҕырга 176 оҕо, иккискэ — 33 лааҕырга 623 оҕо, үһүскэ — 22 лааҕырга 529 оҕо сынньанна.
Сайыҥҥы сынньалаҥ кэмигэр маассабай инфекция уонна астан сүһүрүү бэлиэтэммэтэ.
СӨ Доруобуйа харыстабылын министиэристибэтэ бэлиэтииринэн, лааҕырга сылдьыбыт 75,6% оҕо доруобуйата тупсубут.
Билигин 520 оҕону хабар 22 лааҕыр үлэлиир.
