Войти

Войти

Дьокуускайдааҕы Перинатальнай кииҥҥэ 200-тэн тахса хат уонна төрөөбүт дьахталлар хоруона хамсыгар сутуллубуттар. Бу туһунан зампред Ольга Балабкина нэдиэлэҕэ биирдэ ыытыллар суһал штаб брифинигэр иһитиннэрдэ.

Ольга Балабкина этэринэн, ааспыт сууккаҕа өрөспүүбүлүкэҕэ 69 киһи сутуллубут. Ол курдук, Дьокуускайга - 33, Мэҥэ Хаҥаласка - 10, Алдаҥҥа - 9, Тааттаҕа - 7, Үөһээ Бүлүүгэ, Ленскэйгэ - 3-түү, Хаҥаласка уонна Чурапчыга - 2-лии ыарыһах бигэргэммит. Суукка устатыгар 2196 коронавирус анаалыһа оҥоһуллубут.

Ольга Балабкина:

-- Кэнники күннэргэ Дьокуускайдааҕы Перинатальнай киин тула элбэх ыйытыы үөскээтэ. Билиҥҥитэ онно балаһыанньаны хонтуруолга туталлар. Дьахталлары төрөтө олоробут. Быйыл тохсунньуттан атырдьах ыйыгар дылы ити кииҥҥэ 8443 дьахтары төрөттүбүт. Ити былырыыҥҥытааҕар 100 төрөөһүнүнэн элбэх. Хомойуох иһин, хат дьахталлары хамсык тумнан ааспат. Билигин Перинатальнай кииҥҥэ 294 дьахтар сытар, ол иһигэр 156 хат дьахтар, 84 төрөөбүт дьахтар уонна 9 оҕо түһэттэрбит дьахтар. Перинатальнай кииҥҥэ инфекционнай палата баар, онон хамсыктаахтары онно тута арааран эмтииллэр.

Тарҕат:

Добавить комментарий

Бүтэһик сонуннар