Войти

Войти

Чурапчы улууһун “Мындаҕаайы” ТХПК Красноярскай кыраайыттан 80 төбө сүөһү кэллэ. Сүөһүлэри ыйдааҕы харантыыны ааһалларыгар анаан оҥоһуллубут сиргэ хаайдылар.

Быйыл кээпэрэтиип ТХМ лииньийэтинэн племенной сүөһүнү атыылаһарга субсидияны ылбыта. Маннык бырагырааманан быйыл Ленскэй, Амма, Нам, Уус Алдан уонна куорат Хатаһыгар баар 5 хаһайыстыба Башкортостантан, Татарстантан, Архангельскай уонна Смоленскай уобаластартан сүөһүлэри ылбыттара. Уопсайа 520 ынах сүөһүнү ыларга 70 мөл. солк. тахса субсидияҕа үбү көрбүттэр. Кэлии сүөһүлэр кэнники сылга тыа хаһаайыстыбатын бородууксуйатын оҥорон таһаарыыга үчүгэй дьайыылаахтарын ТХМ бэлиэтиир.

“Мындаҕаайы” ТХПК 2015 сылтан тэриллэн үлэлиир. Бу сыллар усталарыгар хаһаайыстыба өрөспүүбүлүкэ биир үчүгэй үлэлээх кээпэрэтииптэрин истэригэр киирэри ситиспит. Билигин хаһаайыстыба 431 сүөһүлээх, олортон 180-на – ыанар ынах. Ынахтары оччолорго Хакасияттан аҕалбыттара. Красноярскайтан кэлии сүөһүлэр боруодалара “красно-пестрая” диэн, кинилэр өлгөм үүтү, эти биэрэллэринэн уратылаахтар.

Тарҕат:

Комментарии

Кулгаах
0 Кулгаах 22.10.2020 22:37
Саахха батыллан өлөр сүөһүлэр ити
Ответить

Добавить комментарий

Бүтэһик сонуннар