Саха сиригэр ааспыт сууккаҕа эбии 210 киһи короавирустаабыт, ол иһигэр 46 ыарыһах – ыарыыны тарҕатааччы.
Ол курдук, Дьокуускайга 122 киһи ыалдьыбыт, Алдаҥҥа – 11, Сунтаарга – 8, Нерюнгрига, Ньурбаҕа, Уус Алдаҥҥа уонна Чурапчыга – 6-лыы киһи, Бүлүүгэ, Мэҥэ Хаҥаласка, Өлөөҥҥө – 5-тии, Аммаҕа, Горнайга, Эдьигээҥҥэ уонна Тааттаҕа – 4-түү, Анаабыр, Ленскэй, Өймөкөөн – 3-түү, Мииринэй уонна Хаҥалас – 2-лии, Аллайыахаҕа биир киһи ыалдьыбыттара бигэргэммит.
Суукка устатыгар 3 киһи суорума суолламмыт. Саха сирин лабораториялара 6279 анаалыһы оҥорбуттар.
