Бу күннэргэ Ленскэй улууһугар 800 доза хоруона хамсыгын утары быһыы тиэрдиллиэҕэ. Бу туһунан улуус дьаһалтатын пресс-сулууспата иһитиннэрэр.
Санатар буоллахха, бу вакцинаны 21 күн буолан баран иккистээн биэрэллэр. Оттон номнуо хоруона хамсыгынан ыалдьыбыт дьоҥҥо сыл аҥара буолан баран быһыыны биэрэллэр. Ленскэй улууһугар сэтинньи 20 күнүттэн нэһилиэктэр икки ардыларыгар сылдьыһыы кытаатан турар, оттон Саҥа дьыллааҕы бырааһынньыктарга “Гранит” муниципальнай тэрилтэ сырыыны олохтообута. Маны таһынан, кириһиэнньэтээҕи үгэс буолбут сөтүөнү быйыл улууска ыытыа суохтара. Олунньу ыйга дылы Саха сиригэр 69,5 тыһ. вакцина кэлиэҕэ.
