Войти

Войти

2021 сылы дойду бэрэсидьиэнэ Владимир Путин  Билим уонна технология сылынан биллэрбитэ. Олунньу 8 күнүгэр, билим үлэһиттэрин күнүн баттаһа, Саха сиригэр дойдуга биллэриллибит сылы үөрүүлээх быһыыга-майгыга арыйыахтара.  

Өрөспүүбүлүкэ премьерэ Андрей Тарасенко сыл тэрээһинин мунньаҕар Саха сирин научнай кыаҕын көрдөрөр, сыл бигэргэммит тиэмэтигэр тэрээһиннэр былааннарын бэлэмнииргэ сорудахтаата. Өрөспүүбүлүкэ бырабыыталыстыбатын бэрэссэдээтэлэ Билим уонна технология сылын былаанын кытта Ил Дархан Айсен Николаев бигэргэппит, 2020-2024 сылларга Саха сиригэр научнай-технологическай сайдыы судаарыстыбаннай бырагырааматын кытта ситимнииргэ эппит.

Бу бырагыраама чэрчитинэн, криолитозона усулуобуйатыгар айылҕаны табыгастаахтык туттууну билим өттүттэн арыаллааһыны күүһүрдүү, Аан дойдутааҕы Сэлии киинин тэрийии, эдэр учуонайдары өйөөһүн, «Хоту» Субарктика уонна Арктика сайдыытын научнай-үөрэтэр киинин сайыннарыы былааннанар.

Тарҕат:

Добавить комментарий

Бүтэһик сонуннар