Войти

Войти

Бүгүҥҥүттэн  ыла Арассыыйаҕа хоруона хамсыгыттан нэһилиэнньэҕэ вакцинаны хамаҕатык биэрии хампаанньата саҕаланна.

Бу иннинэ вакцинаны кэккэ гражданнарга сүбэ быһыытынан биэрэ олорбуттара. Оттон тохсунньу 18 күнүттэн ыла нэһилиэнньэни барытын хабан биэрэр буолуохтара. Саха сиринээҕи доруобуйа харыстабылын министиэристибэтигэр иһитиннэрбиттэринэн, бүгүн өрөспүүбүлүкэҕэ эбии  саҥа вакцина баартыйата тиэллэн кэлиэхтээх. Бу иннинэ миниистир Елена Борисова маассабай вакцинацияҕа анаан 20 тыһ. тахса вакцина дозата кэлиэхтээҕин этэн турар. Вакцинаны бэрэпиискэттэн тутулуга суох, олорор сиргинэн поликлиникаҕа тиийэн ылыаххын сөп. 18 саастарын туола илик, хат дьахталлар уонна эмтэрэр ийэлэр, аллергиялаахтар бу вакцинаны ылаллара көҥүллэммэт.

Тарҕат:

Добавить комментарий