Войти

Войти

Хаарбах туруктаах дьиэлэри өрөмүөннээһин үлэлэрин чэрчитинэн, алмаастаах кыраай киин куоратыгар – Мииринэй Ленинград бэрэспиэгэр турар, 19-с №-дээх дьиэни саҥардыы үлэтэ тиһигин быспакка ыытылла турар.

Бу үлэни Дьокуускай куораттан бэдэрээччит-тэрилтэ ыытар. Уот күүрүүтүн ситимин саҥардыы, болдьохтоох кэмигэр түмүктэммит буоллаҕына, 2020 сыл, алтынньы 8 күнүгэр бүтүөхтээх дьиэ сарайын өрөмүөнэ бүппэтэ. Тоҕо эрэ уһаан-кэҥээн хаалла. Сүрүн биричиинэ – Мииринэйгэ бытарҕан тымныылар түспүттэрэ. Ыарахан уонна кутталлаах үлэни – таас дьиэ сарайын бүрүөһүнүн уларытар бэтэрэнэн дьыала буолбатах. Бу үлэни, ичигэс кэмнэр саҕана, үмүрүтүөххэ баара.

1

Хаартыскаҕа көрөрүт курдук, түөрт этээстээх «хрущевка» дьиэ металлочерепица сарайа арыллан баран сытар.Бука, түөрт этээстээх «хрущевка» олохтоохторугар аһаҕас сарайдаах, аан-даам тымныыга олороллоро бэрдэ суох буолуохтаах.

2

Оттон өрөмүөн хаһан түмүктэнэрэ биллибэт.

Станислав Алексеев. Мииринэй куорат. Ааптар хаартыскалара.

Тарҕат:

Добавить комментарий