Войти

Войти

Ааспыт сууккаҕа өрөспүүбүлүкэҕэ эбии 132 киһи хоруона хамсыгар хаптарбыта биллибит. Бу туһунан брифинг кэмигэр вице-премьер Ольга Балбакина иһитиннэрдэ.

"Дьокуускайга 44 киһи ыалдьыбыт. Хомойуох иһин, улуустарга хамсык тарҕаныыта улаатарын бэлиэтиибит. Ити ордук дьиэ кэргэҥҥэ уонна тэрилтэҕэ алтыһыыттан сыстыһалларыттан тахсар", - диэтэ кини. Ол курдук. Мииринэй улууһугар 31 киһи ыалдьыбыт, Нерюнгрига — 13, Өймөкөөҥҥө — 11, Алдаҥҥа — 8, Мэҥэ Хаҥаласка — 7. Үстүү ыарыһаҕы Бүлүү уонна Уус Майда улуустарыгар, иккилии ыарыһаҕы Эдьигээн, Таатта уонна Чурапчы улуустарыгар булбуттар. Биирдии ыарыһаҕы Үөһээ Бүлүү, Муома, Ньурба, Өлөөн, Уус Алдан уонна Эбээн Бытантай улуустарыгар бигэргэппиттэр. Суукка устатыгар Саха сирин лабораториялара 1508 коронавирус анаалыһын оҥорбуттар. Уопсайа хамсык саҕаланыаҕыттан 909 375 тест ыытыллыбыт.

Тарҕат:

Добавить комментарий