Быйыл сайын оҕо сынньалаҥ лааҕырдарын 600-кэ дылы улаатыннарар сорук турар, инньэ гынан 90% үөрэнээччини араас сынньалаҥынан саататыахтара.
Быйыл оҕо сынньалаҥын тэрийиигэ маннык хааччахтар салгыы тутуһуллуохтара: палатканан лааҕыр бобуллар, стационарнай лааҕырдарга оҕо ахсаана 50 бырыһыан эрэ туолуохтаах. Лааҕырга киирэр оҕолортон коронавирус анаалыһын буолбакка, эпидемиолог ыспыраапката уонна оҕо туругун туһунан ыспыраапка ирдэниэҕэ. Маныаха лааҕыр үлэһиттэрэ бары хоруона хамысыгыттан быһыыны ылбыт буолуохтаахтар. Премьер Андрей Тарасенко улуустарга быйыл үлэлиир лааҕырдар реестрдарын оҥорорго, куттал суоһаабатын бэрэбиэркэтин кэмигэр ыытарга, хаачыстыбалаах ууннан, аһынан-үөлүнэн хааччыйалларын билиҥҥиттэн бэлэмнииргэ сорудахтаабыт. Ол кэннэ чопчу хас лааҕыр арылларын быһаарыахтара.
