Үргэммитинэн отонтон оҥоһуллубут кёж, учуонай Андрей Болотов ырысыабынан эмтээх чэй, искэхтээх бода, хайа чэйэ уонна быырпах – “Tutu” диэн айанньыттар сиэрбистэрин эспиэрдэрэ Арассыыйа араас эрэгийиэнигэр сылдьан амсайбыт дьикти уонна ураты утахтарын туһунан кэпсииллэр.
Ол түмүгүнэн, биһиги быырпахпыт Арассыыйа эрэгийиэннэрин 10 дьикти утаҕын иһигэр киирбит. Ол туһунан маннык суруйаллар.
“Быырпах – сахалар аһытыллыбыт үүттэн оҥорор үгэс буолбут утахтара. Быырпах биир саамай сүрүн ингредиенэ – суорат, йогуртка майгынныыр ас. Быырпах элбэх эрэсиэптээх. Утахха суораты эбэтэр кефири таһынан сгущенканы эбэтэр саахары эбэллэр. Утах хас да күн туран баран “ситэр”. Тымныылыы иһэллэр. Быырпаҕы ордук Ыһыах – сахалар сайыҥҥы бырааһынньыктарын – кэмигэр иһэллэр. Ити күн норуот күүлэйэ, успуорт күрэхтэһиилэрэ, ат сүүрдүүтэ, үкҥүү-битии уонна норуот оонньуулара тэриллэллэр”.
