Саха сирин 316 оскуолатыгар үөрэх дистанционнай ньыманнан ыытылла турар. Бу туһунан эрэгийиэннээҕи үөрэх министиэристибэтэ иһитиннэрэр.
"Уопсай үөрэхтээһин 127 тэрилтэтигэр үөрэх күнүскү ньыманнан ыытыллар, дьиэттэн уонна оскуолаҕа үөрэтии - 181, оттон дистанционнайдык - 316 оскуолаҕа ыытыллар. Дьокуускай куорат 1-кы №-дээх оскуолатыгар 1 кылааска үөрэх тохтообут", - диэн иһитиннэриигэ суруллар. Тыйыс тымныылар тураннар, 494 оскуолаҕа (6298 кылаас) актированнай күннэр биллэриллибиттэр, онно үөрэх дистанционно ыытыллар. Туох баар оҕо уһуйааннара урукку киэптэринэн уларыйбакка үлэлии олороллор (802 дьыссаат). 3 дьыссаакка 4 бөлөх быстах кэмҥэ сабылыбыт: Бүлүү Сыдыбылыгар "Күнчээнэ, Ленскэйгэ "Сардаана" уонна Уус Майда Солнечнайыгар "Солнышко" уһуйааҥҥа.
