Билиҥҥи туругунан, Саха сиригэр 26 выпускник судаарыстыбаннай кэлим эксээмэни (СКЭ) 100 баалга туттарбыт. Бу туһунан мунньах кэмигэр үөрэх миниистирин бастакы солбуйааччыта Михаил Присяжнай иһитиннэрбит.
"СКЭ түмүктэрэ билигин да киирэ тураллар. Билиҥҥитэ 26 выпускник 100 баалга туттарбыта биллэр: нуучча тылыгар — 8, литэрэтиирэтигэр —13, химияҕа —2, физикэҕэ — 1, биологияҕа —1, историяҕа —1. Нерюнгри гимназиятын выпускнига Ангелина Шавейко Саха сириттэн аан бастакытын биологияҕа сүүс баалы ылары ситистэ. Маны таһынан, кини химияҕа эмиэ 100 баалы ылла", - диэн Михаил Присяжнай кэпсээтэ.
Өрөспүүбүлүкэтээҕи лиссиэй (РЛИ) 5 сүүс бааллаах оҕону бэлэмнээбит, Дьокуускай оскуолаларыттан 9 оҕо сүүс баалга туттарбыт, Мииринэй — 4, Мэҥэ Хаҥалас — 2. Биирдии выпускник Горнай, Нерюнгри (иккитэ төхтөрүйэн 100 баалы ылбыт), Сунтаар, Чурапчы, ХИФУ СУНЦ оскуолата 100 бааллаахтары бэлэмнээбиттэр.
Уопсайынан ыллахха, өрөспүүбүлүкэҕэ литэрэтиирэ, математика (идэтийбит экэсээмэн, обществознания биридимиэттэригэр хаачыстыба тупсубут. 80 баалтан элбэххэ нуучча тылыгар, литэрэтиирэтигэр, математикаҕа, обществознаниеҕа, химияҕа уонна аангылыйа тылыгар туттарбыт оҕо элбээбит.
Быйыл Саха сиригэр 8284 выпускник СКЭни тутарбыт, олортон быйылгы выпускник — 5950.
