Сунтаар улууһун биир киэн туттуута, ытык кырдьаҕаһа, уоттаах сэрии кыттыылааҕа Прокопий Афанасьевич Степанов буолар.
Прокопий Афанасьевич Степанов Сэрии саҕаланыаҕыттан бүтүөр диэри ыар кыргыһыыга сылдьыбыта. Арҕаа Сибииргэ Омскай икки Новосибирскай ардынааҕы баар сиргэ 386-с запасной чааска бойобуой бэлэмнэниини ааспыта. Волковскай фроҥҥа дьиҥнээх уот сэриигэ киирбитэ. Бааһыран госпитальга сытан баран 62-с полкаҕа сулууспалаабыта. 1942с. атырдьах ыйыгар иккиһин бааһыран госпитальга киирбитэ. Үтүөрэн баран 8-с гвардейскай полкаҕа минерынан үлэлээбитэ.
1944-1945сс сылларга 1 Беларусскай фронт 283 стрелковай полкатыгар сэриилэһэн Берлиҥҥэ тиийэр, ол туоһутунан “За взятие Берлина”, “Германияны кыайыы иһин” мэтээллэрдээх, үс немеһи билиэн ылбытын иһин “За отвагу” мэтээллээх, 8 отдельнай батальон састаабыгар киирсэн Прага куораты босхолооһуҥҥа кыттан “За освобождение Праги” мэтээллээх.
1945-1947 сылларга кулун тутар ыйга диэри Австрия Вена куоратыгар 143 гвардейскай штурмовой авиаполк техник-механига, авиавооружение маастара, сержант званиелаах сэрии суолун саппыта.
Эйэлээх олоххо тиийэн олорон 1985 сыл кулун тутар 11 күнүгэр ССРС Үрдүкү Сэбиэтин Ыйааҕынан “Аҕа дойду сэриитин 1 степеннээх” уордьанынан,”Волховскай фронт ветерана” бэлиэнэн, “Жуков” мэтээлинэн, “За освобождение Беларуссии” өйдөбүнньүк мэтээллэринэн бойобуой суола бэлиэтэммитэ.
Ылыллыбыт сигэтэ: https://xn--80aaaa5dcaagtfcekni.xn--p1ai/article/33765
