Арассыыйа бэрэсидьиэнэ Владимир Путин, оптуорунньук күн, бырабыыталыстыба чилиэттэрин кытары сүбэ мунньаҕын кэмигэр, тырааныспарга QR куодтары ирдиир хааччаҕы киллэриини утарарын биллэрдэ.
"Билигин, бачча Саҥа Дьыл саҕана маннык кытаанах ирдэбиллээх хааччахтары киллэрии, мин санаабар, өссө эрдэ. Бу дьоҥҥо улахан кыһалҕалары үөскэтиэ", - диэн тоһоҕолоон бэрэсидьиэн бэлиэтээтэ .
Санатар эбит буоллахха, бу соторутааҕыта Арассыыйа тырааныспарын миниистирэ Виталий Савельев, тырааныспар эйгэтигэр QR куод систиэмэтин киллэрии туһунан боппуруоһу көрүүттэн устарга тыл эппитэ. Владимир Путин кини кэмэнтээрийигэр ити курдук хоруйдаата.
Савельев бэлиэтээбитинэн, докумуон гражданнарга, өскөтүн ыксаллаах-быһыы майгы буоллаҕына хайдах буолабытый диэн элбэх, уустук боппуруостары үөскэтиэ этэ. Ол иһин, маннык түгэннэри барытын учуоттаан туран, тырааныспарга киириэхтээх саҥа сокуон бырайыагын сиһилии сыныйан туран, үөрэтиллэн оҥоһуллуохтаах диэн тырааныспар миниистирэ чорботон туран бэлиэтээтэ.
