Киирии

Киирии

Дойду бэрэсидьиэнэ Владимир Путин Уһук Илиҥҥи федеральнай уокурук киинин Хабаровскайтан Владивосток куоракка көһөрөр туһунан ыйаахха илии баттаата. Бу туһунан Кремль пресс-сулууспата иһитиннэрэр.

Уһук Илиҥҥи федеральнай уокурук киинин  көһөрүүнү Приморье губернатора Олег Кожемяко көҕүлээбитэ. Кини этиитин бу уокурукка бэрэсидьиэн боломуочуйалаах бэрэстэбиитэлэ, вице-премьер Юрий Трутнев, премьер-миниистир Дмитрий Медведев уонна РФ бэрэсидьиэнин администрациятын салайааччы Антон Вайно өйөөбүттэрэ. Приморьеҕа бырабыыталыстыба исписэлиистэрэ хоромньуну сыаналыы уонна ыытыллар тэрээһиннэри ырыта туруннулар. Трутнев хоромньу олох кыра буолуо диэн сабаҕалыыр.

Бу Уһук Илиҥҥи федеральнай уокурукка сыһыаннаах номнуо иккис улахан административнай уларыйыы буолар. Бу сыл сэтинньи ыйыгар дойду бэрэсидьиэнин ыйааҕынан, Уһук Илиҥҥи федеральнай уокурук састаабыгар Бурятия уонна Забайкальскай кыраай киирбиттэрэ. Онон, билигин Уһук Илиҥҥи федеральнай уокурук састаабыгар: Бурятия, Саха сирэ, Забайкальскай кыраай, Камчатка, Приморье, Хабаровскай кыраай, Амур, Магадан, Сахалин уобаластара, Еврейскай автономнай уобалас уонна Чукотка киирэллэр.

Тарҕат:

Комментарии

Защитный код Обновить

Бүтэһик сонуннар