Войти

Войти

Кытайга тарҕаммыт коронавирус аан дойду дьонун аймаата. Өскөтүн бу вирус сыстыбыт сибикитэ баар буоллаҕына, быраастар сүбэлэрин туһан.

Бастатан туран, сүһүрүү утары эмп иһиллиэхтээх. Оччоҕо ыарыы бытааннык тарҕанар. Ол кэнниттэн балыыһаҕа көрдөрөр тоҕоостоох.

Коронавирус тыҥа ыарыытыгар тиэрдэр, ыалдьыбыт киһи өлүөн сөп. Арассыыйаҕа бу вирус кэлэ илик. Ол да буоллар быраастар гигиенаны тутуһарга: маскалаах, куруук илиини сууна сылдьарга сүбэлииллэр. Ону таһынан, элбэх дьон мустар улахан тэрээһиннэригэр сылдьыбаккытыгар көрдөһөллөр. Манна баҕар ыалдьыбыт дьон баар буолуохтарын сөп. Ону ким билиэй? Бу туһунан “Звезда” ханаалга РАМН вирусология салаатын салайааччы Лариса Руденко иһитиннэрдэ.

Мэдиссиинэ билимин доктора, сыстыганнаах ыарыы исписэлииһэ Владимир Жемчугов, вирус сыстыбыт сибикитэ баар буоллаҕына, бастатан туран, сүһүрүү утары эмп иһэргэ уонна суһаллык Санэпиднадзорга көрдөрүнэргэ сүбэлиир. “Өскөтүн киһи температуралаах, сөтөллөр уонна тумуу сибикитэ суох буоллаҕына, бастатан туран, сүһүрүү утары эмтэри иһиэн наада. Холобур, анальгин, аспирин о.д.а. Оччоҕо температура тахсыбат уонна вирус тарҕаныыта бытаарар. Уонна булгуччу олохтоох Санэпиднадзор сулууспатыгар баран көрдөрүнүөхтээх. Бу билигин Гигиена уонна профилактика киинэ диэн ааттанар”, — диэн  сүбэлиир.

Life.ru

Тарҕат:

Комментарии

Защитный код Обновить