Ааспыт бээтинсэҕэ «Махтал» саха аһылыгын киинигэр «Таптал» диэн «Туймаада» оҥорон таһаарар кэмбинээт брендин билиһиннэрдилэр. «Туймаада» комбинат «Туймаада» агрохолдинг биир тэрилтэтэ буолар. Быйыл агрохолдинг тэриллибитэ 5-c сылын туолар. Онон, бу тэрээһин ити бэлиэ сылга сөп түбэһиннэрэн уонна Саха Өрөспүүбүлүкэтин күнүн көрсө ыытыллыбытын бэлиэтиир тоҕоостоох.
Тэрээһин аныгы кэм ирдэбилинэн гастрошоу көрүҥүнэн ыытылынна. “Махтал” саха аһылыгын киинин су-шебэ Алексей Марков уонна “Туймаада” кэмбинээт технолога Григорий Трубин саха төрүт аһылыктарын «Таптал» бренд бородууксуйатыттан бэлэмнээтилэр. Саалаҕа саламаат, таба этиттэн стейк, авторскай десерт уо.д.а. сокуускалар, бүлүүдэлэр бэлэмнэнэн дьон көрүүтүгэр туруорулуннулар.
Бу тэрээһиҥҥэ Дьокуускай атыытын-эргиэнин ситимин бэрэстэбиитэллэрэ ыҥырыллан кыттыыны ыллылар. Ол курдук, «Максмаркет», «Золотая долина» ХЭТ, «Гурман», «Айгуль», «Ферма» курдук бөдөҥ тэрилтэлэр, ону таһынан тэрээһиҥҥэ блогердар, суруналыыстар сырыттылар.
Биһирэми Виталий Очиров алыптаах тылынан алгыстаан арыйда. Онтон киирии тылы «Туймаада» кэмбинээт дириэктэрэ Наталья Протопопова этэн, «Таптал» бренд кэнсиэпсийэтин, маннык санаа хайдах үөскээбитин, атыылана турар бородууксуйа саҥа тыыннанан тахсыахтааҕын тохтоон кэпсээтэ.
«Таптал» - бу саҥа олохтоох бородууксуйаттан оҥоһуллар ас брендэ. Бу аһылык барыта агрохолдиҥҥа киирэр тэрилтэлэр: Нерюнгритээҕи куурусса фабрикатын, Хатастааҕы сибиинньэ комплексын, «Туймаада» экоферма уо.д.а хаһаайыстыбалар бородууксуйаларыттан оҥоһуллаллар.
«Таптал»диэн бренд аатыгар да ис сүрэхтэн, тапталынан оҥоһуллара көстө сылдьар. Оннук эрэ астаммыт аһылыгы аһаан дьон чөл олохтоох, уһун үйэлээх, доруобай ыччаттаах буолуохтара.
Биһирэм «Махтал» киинигэр ыытыллыбыта мээнэҕэ буолбатах. Бу сир историческай суолталаах. Манна 19-с үйэ саҕаланыыта бастакы атыы-эргиэн тэрээһиннэрэ буолан барбыттара. Ол да иһин саҥа бренд презентацията бу дьиэҕэ ыытыллыбыта кэскиллээх.
«Махтал» киин управляющайа Анна Трифонова бэлиэтээбитинэн, манна аһылыгы барытын олохтоох бородууксуйаттан бэлэмнээн оҥороллор, онон «Махтал» уонна “Таптал” кыттыһыылара саҥа таһымҥа тахсыыга үктэл буолуоҕа. «Туймаада» агрохолдинг «Махтал» саха аһылыгын киинин олохтоох бородууксуйанан хааччыйыаҕа. Онон, киин куорат олохтоохторо уонна ыалдьыттара «Туймаада» агрохолдинг бородууксуйатын, фирменнай эрэ маҕаһыыннартан атыылаһан буолбакка, «Махтал» саха аһылыгын киинин ааптарыскай бүлүүдэлэрин састаабыгар эмиэ боруобалыахтарын сөп.
Тэрээһин кыттааччылара «Таптал» бренд ситиминэн оҥоһуллубут аһылыгы үрдүктүк сыаналаатылар. Олохтоох бородууксуйаттан оҥоһуллар ас хайа да аһылыктан ордугун минньигэһин, хаачыстыбата үрдүгүн бэлиэтээтилэр.
Онон, кэлэр өттүгэр «Таптал» саҥа бренд бородууксуйата Дьокуускай маҕаһыыннарыгар дэлэйдик атыыланыаҕа.
«Туймаада» агрохолдинг пресс-сулууспата
Сэҥээриилэр
ketogenic diet, which has gained widespread attention for its numerous health benefits.
Capsules: https://pitfmb2024.membership-afismi.org/2024/04/30/proper-keto-capsules-understanding-the-science-of-keto-adaptation/ have gained popularity in the
world of weight loss supplements due to their ability to assist individuals in achieving ketosis
and burning fat more effectively.
wellness community as a potential solution for individuals
looking to effectively manage their weight through
the ketogenic diet.
my web page ... Proper Keto
Capsules Review: http://www.huenhue.net/bbs/board.php?bo_table=review&wr_id=1263077