Хой
Бэйэҕин дьоһуннук туттарыҥ астык. Быһаарсыбат, кыайбат эйгэҥ диэн суох даҕаны. Арай аймахтар эбэтэр кэллиэгэлэр икки ардыларыгар өйдөспөт быһыы-майгы кэлэн ааһыан сөп. Нэдиэлэ бүтүүтэ харчыгын уҥа-хаҥас ыспатыҥ ордук. Атыылаһыахтаах малыҥ, таҥаһыҥ чэпчэки сыаналаах көрүҥүн эмиэ көр. Үчүгэй өйдөбүлү хаалларар үтүөкэн өрөбүллэри атаарыаҥ.
Оҕус
Туох да кыһалҕата суох үчүгэй нэдиэлэ. Саҥаны саҕалыыртан куттаммаккын. Саарбахтаан, бириэмэҕин бараама. Үчүгэй настарыанньаҕын тулалыыр дьону кытта үллэһин. Оччоҕуна саҥа доҕоттор да эбиллиэхтэрэ. Өрөбүллэргин дьиэҕэр чугас дьоҥҥун кытта атаарарыҥ ордук. Бэйэҕэр бириэмэ аттарыаххын наада. Эмискэ харчы киириэн сөп.
Игирэлэр
Чэпчэки, сылаас сыһыан үөскүүр чинчилээх. Олоххун тупсарарга саҥа суолу-ииһи көрдүүргэр табыгастаах кэм. Сулумах Игирэлэр, бу күннэргэ билсэр дьоҥҥут ортотугар баар киһини кытта инники сыһыаҥҥытын быһаарсыаххытын наада. Кэргэннээх Игирэлэр дьиэ түбүгүттэн ордубаттар. Ол түбүгү быһаарарга дьиэлээхтэри сыһыардахха, өрөбүллэри бииргэ атаарар кыахтааххыт.
Араак
Үлэҕэр аһара ноҕуруускаланыма. Сэниэҕин инники үлэҕин-хамнаскын былаанныырга хаһаан. Бириэмэни түргэтэтэ сатаама, хас да дьыаланы тэҥинэн оҥорума. Уоскуйбут, наҕылыйбыт кэмҥэр барытын кыайа-хото тутуоҥ. Бээтинсэҕэ тус интэриэскин көмүскүүрүҥ наада курдук. Субуотаҕа уруккутааҕар элбэх алтыһыы буолуо. Саҥа үлэҕэ этии киириэн сөп. Өрөбүл күн тугу да гына сатаама.
Хахай
Барыҥ барыта табыллыыһы. Кыаллыа да суох дьыалаларыҥ ыпсыахтара. Онон инниҥ хоту түһүн. Элбэх соругу тэҥинэн тутар чэпчэкитэ суох. Оннук эрэ гыннахха, инникигин оҥороргун бэйэҥ да бэркэ өйдүүгүн. Өрөбүллэргэ уоскуйарыҥ наада. Күүһү-уоҕу, уоскулаҥы ылар инниттэн айылҕаҕа дьаарбайа сатаа.
Кыыс
Истиҥ, кэрэ сыһыаҥҥа олоҕурбут үчүгэй нэдиэлэ күүтэр. Оптуорунньук киэһэтэ интэриэһинэй түгэни, көрсүһүүлэри тосхойуо. Өтөр кэпсэппэтэххин кэпсэтэн, болҕомто киинигэр киирииһигин. Чэппиэргэ таптыыр киһиҥ тугунан эрэ үөрдүүһү. Баҕа санааларыҥ туолууһулар. Өрөбүллэргэ үтүө сураҕы истиэҥ. Баай-дуол, харчы чааһыгар олох долгуйума.
Ыйааһын
Үлэҕэр өтөр буолбатах табыллыылаах нэдиэлэ үүнэн эрэр. Кэллиэгэлэриҥ, доҕотторуҥ өйөбүллэригэр эрэллээххин. Нэдиэлэ устата настарыанньалаах сылдьыыһыгын. Нэдиэлэ иккис аҥаарыгар ылсыбыт дьыалаҥ табыллыа. Харчы чааһыгар эмиэ үчүгэй өттүгэр хамсааһын буолуоҕа. Астрологтар “романтик” буоларга сүбэлииллэр. Өс киирбэх, көрдөөх буолартан куттаныма. Ол хаачыстыбаҥ уустук да сыалы ситиһэргэр күүс буолуоҕа.
Скорпион
Уустук кэмнэр ааспыттар. Үлэҕэр, күннээҕи түбүккэр саҥалыы күүһүнэн, санаанан төннүөҥ. Тутуһар дьыалаҕын кытта ситимнээх айан үчүгэй түмүгү биэриэҕэ. Тус олоххор барыта этэҥҥэ. Өрөбүллэргэ урукку доҕотторгун, чугас дьоҥҥун кытта соһуччу көрсүһүүгэ бэлэмнэн. Ону тэҥэ таҥаһы-сабы саҥардарга табыгастаах нэдиэлэ күүтэр. Сыанаҕа чэпчэтиилэри кэтээн көр.
Охчут
Үлэҕэр кэлэриҥ-барарыҥ, түбүгүрэриҥ элбииһи. Бэйэҥ ис күүскүнэн хайа да ыараханы туоруур кыахтааххын. Нэдиэлэ иккис аҥаара тугу эрэ эрэннэрэр сонуннары, истиҥ түгэннэри тосхойуо. Барыта санааҥ хоту буолуо. Эрэллээхтик инники соруккар хардыылыыр кэмиҥ. Үлэ, таптал даҕаны үчүгэй өттүгэр иэҕиллэр. Өрөбүллэри саамай күндү, чугас дьоҥҥун кытта атаар. Кинилэр эн болҕомтоҕор олус наадыйаллар.
Чубуку
Барыга-бары көхтөөх майгыҥ кэнэҕэс ситиһиини, табыллыыны эрэ аҕалыа. Кэрэхсэбиллээх айан, үлэҕэ үрдээн тахсыы, тус олоххо үчүгэй өттүгэр уларыйыы буолсу. Саҥа билсиһиигэ, сыһыаны сайыннарыыга табыгастаах нэдиэлэ. Өрөбүллэргэ чугас дьоҥҥор болҕомтоҕун уурарыҥ ордук. Айылҕаҕа тахсан, кыһыҥҥы айылҕа бүтэһик көстүүтүнэн дуоһуй. Доруобуйаны көрүнэргэ, дьарыктанарга анаабыт курдук нэдиэлэ иһэр.
Күрүлгэн
Мунньуммут уопутуҥ, ылыммыт маастарыстыбаҥ кырата суох барыһы аҕалыыһы. Олоҕуҥ, көрөн турдаххына, үчүгэй өттүгэр уларыйыа. Ол эн настарыанньаҕыттан, олоххо сыһыаҥҥыттан олус улахан тутулуктаах. Таптал иэйиитэ үөрүүнү, өрө көтөҕүллүүнү бэлэхтиир, дьолго суолу ыйар. Өрөбүл күннэр таҥас-сап атыылаһарга олус табыгастаахтар. Харчыга хааччах суох. Онон ымсыыра көрбүт таҥаскын атыылаһар кыахтааххын.
Балыктар
Элбэҕи ситиһэр нэдиэлэҥ. Баай-дуол өттүгэр табыллыаҥ. Бытархайга болҕомтоҕун уурума, хаарыан сэниэҕин буоларга-буолбакка бараама. Сүрүн соруккун тутуһан баран сырыт. Тургутан көрүү баар да буоллаҕына, ол эйигин күүһүрдэр эрэ. Сотору кэминэн туораттан туох да көмөтө суох туруорбут соруккун ситиһиэҥ.
