Хой
Нэдиэлэ барыта өрө көтөҕүллүүлээх ааһыа. Ыал Хойдор сыһыаҥҥыт тупсуо. Бар дьоҥҥо элбэхтик бииргэ сылдьыҥ. Суут-сокуон дьыалата этэҥҥэ быһаарыллыа. Омук дойдутугар пааспары оҥорторор кэм кэлбит. Нэдиэлэ иккис аҥаарыгар дуоһунаскын уларытыахтарын сөп. Үрдүөҥ. Сыалгын-соруккун чопчулаа.
Оҕус
Доруобуйаҕын күүскэ көрүн. Массааска сырыт. Тумууну дириҥэтимэ. Утуйар-турар эрэсиимҥин уларыт. Дьиэ кэргэн үөрүүтэ үксүө. Уруу, сынньана айан, бэргэһэлэнии – барыта этэҥҥэ ааһыа. Дьиэ ис бараанын тупсарарга тоҕоостоох күннэр. Ыраах айаҥҥа сылдьар Оҕустар, олоххут аргыһын көрсүөххүт.
Игирэлэр
Таптал. Ыал буолуу аана аһыллыбыт. Оҕолоргут ситиһиилэрэ элбиэҕэ. Дьиэ иһинээҕи түбүк туһата элбэх буолуо. Сууйуу-сотуу, эргэни быраҕыы. Сүргэҥ көтөҕүллүбүт. Доруобуйаҥ ааттаах үчүгэй. Баанньыкка, саунаҕа сылдьан эккин-сииҥҥин ыраастан, сынньан.
Араак
Өрөмүөн үлэтэ тиһэх түһүмэххэ кэлбит. Саҕалаабыккын бүтэрииһигин. Оҕо-уруу ситиһиитэ, уопсай көр-нар дьиэ кэргэни сомоҕолуо. Оҕолоргун зоопааркаҕа, муус пааркаҕа илдьэ сылдьыаххын сөп. Саҥа билсэ сылдьар пааралар, бар дьоҥҥо көстөр кэмҥит кэлбит.
Хахай
Үөрэнии, араас куурус олус табыллыа. Бытааннык да буоллар, үөрэҕи айымньылаахтык ылынаҕын. "Тулуурдаах буол. Дьулуурдаах буол" диэн дьиэҕэр элбэхтик хатылаа. Ыраастаныы, сууйуу-сотуу, өйгүн-санааҕын сааһыланыы. Ол аата туох эрэ улахан уларыйыыга бэлэмнэнэҕин. Өрөбүллэргэ ыалдьыттар кэлиэхтэрэ.
Кыыс
Дьыаланы-куолуну тиһэҕэр тиэрдэ үөрэн. Эдэр ыаллар, көргө-нарга көхтөөх буолуҥ. Сууланан баран олорумаҥ. Соҕотох дьоҥҥо олоххут аргыһын соһуччу көрсөр тоҕооһу сулустар бэлэмнээн тураллар. Сынньана, дьиэ кэргэни кытта үөрэ-көтө айан кэтэһэр. Олох амтанын билбэхтээн иһиҥ.
Ыйааһын
Урут айах атан кэпсэппэтэх дьоҥҥутун кытта сыһыан олохсуйуо. Ол үксүгэр тырааныспарга буолуон сөп. Үп-харчы туруга этэҥҥэ. Уруккуттан баҕара, ымсыыра көрөр малгытын-салгытын атыылаһыаххыт. Аймахтартан көмө баар буолуо. Тугу баҕараргын кэпсиэххин сөп.
Скорпион
Дохуоту улаатыннарарга улахан болҕомто уонна сыра барыа. Кистэлэҥ дьыаланы бэнидиэнньиккэ уонна оптуорунньукка бүтэрэ сатаа. Сэрэдэттэн билсэр дьонуҥ өссө элбиэ. Дьон эйиэхэ тардыһар. Үөрэх, көр-нар барыта чэпчэкитик ааһыа. Үтүө сурах бөҕөтүн истиэҥ. Ыаллыы дьоҥҥун кытта ыкса билис, ыалдьыттаһыҥ.
Охчут
Доҕор-атас боппуруоһа кытаатыа. Ким эрэ туоруо, испииһэктэн тахсыа. Барытын быһа баттаан кэбиһимэ. Былаанынан буолбакка, сүүрүк хоту сылдьа түс. Бу күннэргэ урут сананан да көрбөт билиигэр тиксиэҥ, ураты күүс арыллан биэриэ. Чинчийии баар.
Чубуку
Буола турар быһыы-майгы кистэлэҥ сүүрүктэрин таба тайаныаҥ. Ол эн алҕаһы оҥороргуттан быыһыа. Дьону курдаттыы көрөр ураты дьоҕургун сайыннаран ис. Сэрэдэттэн саҕалаан дьылҕаҥ туһунан олохтоохтук толкуйданан көр. Көргө-нарга, кулуупка ыҥырдахтарына, батынан кэбиһимэ. Эйигин таптал күүтэр. Тапталыҥ.
Күрүлгэн
Үөрэх-билии эйгэтэ кэҥиир, ыллар ылан иһэр. Кут-сүр боппуруостарынан ыкса дьарыктанар дьон эйгэтигэр улам-улам киирэн иһиэҥ. Туристарга табыгастаах нэдиэлэ. Биир улахан кистэлэҥи билиэҥ – онтугун кимиэхэ да арыйыма. Соһуччу, быһымах, толкуйдамматах хардыылары оҥоро сатаама.
Балыктар
Дуоһунас уларыйар, үрдүүр кэмэ кэлбит курдук. Ыраах дойдуга баран кэлэр санаа үүйэ-хаайа тутар. Биир санаалаахтарыҥ көстүөхтэрэ. Духуобунас өттүгэр охтубутуҥ көдьүүһэ улахан буолуон сөп. Кэлэр кэскилиҥ хайдах буолуохтаа±а дьэҥкэтик арыллан эрэр. Олус элбэҕи, кыайыа суоххун моой ылынан кэбиһимэ.
