Быйыл хаһааҥҥытааҕар да элбэх хаар түспүтүн бары билэн сылдьаҕыт. Чааһынай дьиэҕэ олорооччулар күрдьүккүтүн хаартыскаҕа түһэрэн үйэтиппит буолуохтааххыт. Оттон түһэрэ илик буоллаххытына, уулла илигинэ түһэрэ охсуҥ! “Кыым.ру” саайт “Үрдүк күрдьүк – 2023” хаартыска күрэҕин биллэрэр!
Муус устар 27 күнүгэр куоластааһын уонна дьүүл үлэтин түмүгүнэн икки кыайыылааҕы быһаарыахпыт. Куоластааһын кыайыылааҕа 3 тыһыынча солкуобайы тутуоҕа! Оттон муҥутуур кыайыылаах "Камелек" маҕаһыынтан саха маанылаах иһитин, ону таһынан "Кыым" хаһыакка сыл аҥаардааҕы сурутууну тутуоҕа!
Усулуобуйата:
- Күрдьүккүн, үрдүгүн көрдөрөр курдук аттыгар туран эбэтэр кими эрэ туруоран, хаартыскаҕа түһэрэн ыл.
- Толору ааккын, хас саастааххын, ханна олороргун суруй.
- Хаартысканы муус устар 20 күнүгэр диэри 8 (914) 820 09 75 нүөмэргэ ыыт.
- Муус устар 21-гэр түүн 24 чааска куоластааһын саҕаланыа уонна 26-гар түүн 24 чааска түмүктэниэ.
Тэрийэр сүбэ.
