Игнатий Слепцов
-
-
Сахам ынаҕа — мурун ырыата
Саадьаҕайдыыр ынаҕым
Саха мааны сүөһүтэ,
Сайылыгым оһуорун
Сайыҥҥытын киэргэттэ.
Ала өҥнөөх ынаҕым
Айыым сирин сүөһүтэ,
Алаастарым хочотун
Арылытан кэбистэ.
Хара өҥнөөх ынаҕым
Хампа дойдум сүөһүтэ,
Халдьаайылыыр сирдэрбэр
Ханыылаһан хаамыста.
Үрүҥ өҥнөөх ынаҕым
Үтүө сирим сүөһүтэ,
Үрдүк томтор сирдэрбэр
Үмүөрүһэн үөрдүстэ.
Сахам сирин саргытын,
Сайыҥҥытын санааммын,
Сайдыы-сайдыы иһэрбин,
Сааһылаахтаан ыллаатым...
Үөһээ Дьааҥы улууһа
Сэҥээриилэр