Руслан Платонов
-
-
Н Ь И Р Э Й
Атаах оҕотооҕор атаахтык...
Ии, минньигэстик да мэҥирээтэ,
Кыыс оҕо гиэнинээҕэр уһун
Кыламанынан сапсыммахтаата.
Эчи, түүтэ-өҥө ырааһын,
Туйахтарын ооккото дьэҥкирин,
Кутуруга тойтойон суонун --
Киһи эрэ таптыах үчүгэйин!
Обургуҥ баара, от салаатын
Тылын сыыһынан салбаан ылан,
Улахаттар аһылыктарын
Сэрэниин-сэрэнэн амсайар.
Буолумуна, хаһааҥҥа диэри
Ийэтин батыһа сылдьыаҕай,
Үүт эмээри мэҥийэн
Мээнэ-мээнэ мэҥириэҕэй.
Санааҕын суруй