Евдокия Попова - Айыына
-
-
Сахам ынаҕа
Оо, сахам ынаҕа барахсан
Кып-кыра, буос бээгэй эрээри,
Сөхтөрүө тулуура дьулуура,
Үүтүн сүөгэйин хойуута
Куйаастан,ардахтан даҕаны,
Тымныыттан хаххалыа көп түүтэ.
Сайынын мэччийэн эбиниэ,
Иччитин ыанньыйан күндүлүө.
Хаһаайка олуһун манньыйыа,
Моонньуттан кууһуоҕа ынаҕын,
Таптыырын биллэрэн хайҕыаҕа
Кулгааҕар сипсийэн этиэҕэ.
Ынаҕа хардаран кинини
Хатыылаах тылынан салыаҕа,
Саҥарбат эрээри уйаннык
Кыламан быыһынан көрүөҕэ..
Оо,сахам ынаҕа барахсан
Өбүгэ саҕаттан эн бааргын
Саханы,эн саха дэтэҥҥин
Тыыммытын өллөйдөөн кэллэҕиҥ.
Мэҥэ - Хаҥалас,
Бүтэйдээх.
Сэҥээриилэр
Ситиһиилэри баҕарабын!
Куруук хомоҕой хоһоонноруҥ дьону-сэргэни үөрдэ сыоыттыннар!
Үгүс элбэх хоһоонноох хомуурунньуктар хотоҕостуу субуруһан күн сирин көрүҥнэр!